قوباد تاڵەبانی رایگەیاند، “بۆ مووچە چاوەڕوانی وەزارەتی دارایی عێراق دەکەین”.
قوباد تاڵەبانی، جێگری سەرۆک وەزیرانی هەرێم، بە رۆژنامەنووسانی راگەیاند، “بۆ مووچەی مانگی چواری فەرمانبەر و مووچەخۆرانی هەرێم چاوەڕوانی رەزامەندیی وەزارەتی دارایی عێراق دەکەین”.
لەبارەی یەکدەنگیی لایەنە سیاسییەکان لە بەغداد قوباد تاڵەبانی وتی، “ئاساییە لەناو هەرێمی کوردستان بۆچوونی جیاوازمان هەبێت، بەڵام دەبێت لەسەر پرسە گرنگ و نیشتمانییەکان لە بەغداد لەپێناو هەرێمی کوردستان یەک ئاراستەبین”.
وتەکانی قوباد تاڵەبانی، لەمیانەی بەشداریکردنیدا بوو لە پێشانگای گەشتیاریی رۆژهەڵاتی ناوەراست “مێتێکس”، کە لە هەولێر بەڕێوەدەچێت.
