لێپرسراوی بەشی راگەیاندنی تەندروستیی کەرکوک رایگەیاند، “تاوەکو ئێستا 207 کەس بەهۆی خۆڵبارینەوە گەیەندراونەتە نەخۆشخانە”.
سامان یابە، لێپرسراوی بەشی راگەیاندنی تەندروستیی کەرکوک بە تۆڕی میدیایی ئێستای راگەیاند، “خۆڵبارین هۆکاربووە بۆ ئەوەی 207 کەس لە سنووری کەرکوک دۆخی تەندروستییان تێکبچێت و رەوانەی نەخۆشخانە بکرێن کە بەشێکیان نەخۆشیی رەبۆیان لەگەڵدایە و تەمەنیشیان هەڵکشاوە”.
چەند رۆژێکە خۆڵبارینێکی چڕ سەرتاسەری عێراق و هەرێمی کوردستانی گرتووەتەوە و بەو هۆیەوە لە بەشێکی زۆری شار و شارۆچکەکان حاڵەتی تەنگەنەفەسیی هاوڵاتییان تۆمارکراوە و رەوانەی نەخۆشخانە کراون.
