بەڕێوەبەرایەتیی ئاوی كەركوك بڵاویكردووەتەوە، لە 30 ئەم مانگەوە، بۆ ماوەی هەفتەیەك ئاوی گەڕەكەكانی شاری كەركوك دەبڕدرێت.
بەپێی راگەیەندراوێكی بەڕێوەبەرایەتیی سەرچاوە ئاوییەكانی كەركوك كە وێنەیەكی دەست تۆڕی میدیایی ئێستا كەوتووە و تێیدا هاتووە بەهۆی خاوێنكردنەوەی سەرچاوە ئاوییەكان كە ئاوی خواردنەوە بۆ شارەكە دابیندەكات بۆ ماوەی حەوت رۆژ ئاوی گەڕەكەكانی شاری كەركوك دەبڕدرێت.
لە راگەیەندراوەكەی بەڕێوەبەرایەتیی سەرچاوە ئاوییەكانی كەركوكدا هاتووە، گەڕەكەكانی دەرەوەی شار ناگرێتەوە لەوانە شۆراو، گورگەچاڵ و سێكانیان.
