سالار حاجی عەلی شارەزای بواری كەشناسی رایگەیاند، چەند رۆژێكە نزمە پاڵەپەستۆیەكی مامناوەند لە دەریای سوورەوە رووی لە ناوچە جیاجیاكانی عێراق و هەرێمی كوردستان كردووە و لەگەڵ دابەزینی بارستە هەوایەكی سارد كە پلەكانی گەرمای چەند پلەیەكی دابەزاندووە.
دەشڵێت،”ئەمڕۆ هەورەبروسكە و بارانبارین لە ناوچە جیاجیاكانی هەرێمی كوردستان بە بڕی جیاواز بەردەوامدەبێت و لە كاتەكانی ئێوارەی ئەمڕۆ بۆ شەو لە هەندێك ناوچە چڕبوونەوە دروستدەبێت و بارانبارین بەردەوامدەبێت”.
باسی لەوەش كردووە، بۆ سبەی خێرایی بای باشوور زیاددەكات لە ناوەڕاست و باشووری عێراق و هەڵكشانی خۆڵبارینێكی چڕ دروستدەبێت دواتر ڕوو لە هەرێمی كوردستان دەكات.
