لە فێستیڤاڵی فیلمی رەشت لە ئێران، ماهیر حەسەن خەڵاتی باشترین ئەکتەری بەدەستهێنا.
ماهیر حەسەن، ئەکتەری دیاری کورد، خەڵاتی باشترین ئەکتەری بۆ فیلمی “ژان” لە وڵاتی ئێران بەدەستهێنا.
ئەو هونەرمەندە خەڵاتەکەی لە سێیەمین فێستیڤاڵی فیلمی رەشت بەدەستهێنا و لە هەمان کاتیشدا فیلمەکە خەڵاتێکی دیکەی وەک باشترین دەنگ بەدەستهێنا.
فیلمی “ژان” لە نووسینی لەیلا باغ پیرایە و لە دەرهێنانی بورهان ئەحمەدی و لەیلا باغ پیرایە، تاوەکو ئێستا چەندین خەڵاتی دیکەی و ناوخۆیی و نێودەوڵەتی بەدەستهێناوە.
ماهیر حەسەن، هونەرمەندێکی دیارە لە بواری هونەر و شانۆدا و بەشداریی زیاتر لە 200 بەرهەمی هونەری لە بوارە جیاوازەکاندا کردووە.
