بەپێی ئەو زانیارییانەی بە تۆڕی میدیایی ئێستا دراون، بەهۆی پشووی یەكی ئایاری ئەمساڵەوە چاوەڕواندەكرێت ناردنی پارەی تەرخانكراو بۆ مووچە بكەوێتەوە سەرەتای هەفتەی داهاتووەوە.
هەر لە زانیارییەكاندا هاتووە، چاوەڕواندەكرێت لە هەفتەی داهاتوو دوای ناردنی پارەی تەرخانكراو دەست بە دابەشكردنی مووچەی مووچەخۆرانی هەرێم بكرێت.
جێی ئاماژە بۆ كردنە، رۆژی سێشەممە، فارس عیسا سەرۆكی نوێنەرایەتیی حكومەتی هەرێم لە بەغداد رایگەیاند، ناردنی مووچەی مووچەخۆرانی هەرێم تەنها واژووی تەیف سامی وەزیری دارایی عێراقی ماوە.
