بەڕێوەبەرایەتیی گشتیی تەندروستیی سلێمانی بۆ دووربوون لە نەخۆشی تای خوێنبەربوون چەند رێنماییەك بڵاودەكاتەوە و داوادەكات لەكاتی سەربڕینی ئاژەڵ بۆ قوربانی ئەم رێنماییە زانستیانە جێبەجێبكرێن
رێنماییەكان بریتین لە:-
1.سەربڕینی ئاژەڵ پێویستە لەناو ئەو سەربڕینخانانەدا بێت كە رێگە پێدراون وپزیشكی ڤێتێرنەری سەرپەرشتیدەكات.
2. لەكاتی سەربڕینی ئاژەڵ و كەوڵكردن یاخود پارچە پارچەكردنی گۆشتەكەیدا پۆشینی جلوبەرگی خۆپارێزی وەك ( دەستكێش، جزمە ،سەدریەی پلاستیك، ماسكی دەمووچاو ) بەكاربهێنن.
3.نابێت خانەوادە یان خەڵك كۆببنەوە لە دەورە سەربڕەكە (قەساب) وە نابێت هاوكاریی بكەن لەكاتی سەربڕینی ئاژەڵ و پارچە پارچە كردنی گۆشتەكەدا.
4. بەبێ دەستكێش مامەڵەكردن لەگەڵ جەستەی ئاژەڵی سەربڕاو مەكەن دوای پۆشینی دەستكێش و كەلوپەلی خۆپارێزی گۆشتەكە پارچەپارچە بكە و پاشان دەستت بەباشی بشۆ.
5.لابردنی پاشماوەی ئاژەڵە سەربڕاوەكان و دانانی كیسی داخراو فڕێدانی بۆ شوێنی تایبەت .
6. بەكارهێنانی چەقۆ و تەختەی پارچەپارچەكردنی تایبەت بەگۆشت و شتن و پاكژكردنەوەی تەختە و چەقۆكان دوای بەكارهێنان
7. پاككردنەوەی ئەو شوێنەی ئاژەڵەكەی لێسەردەبڕێت و بە تایبەت ئەو شوێنانەی خوێنی لێیە بە ماددەی كلۆریین (بلیچ- موعجیزە) روونكراوە..
8. باشتر وایە گۆشت دوای سەربڕینی ئاژەڵ بۆ ماوەی نیو كاتژمێر لە پلەی 4- 8 پلەی سەدی هەڵبگیرێت پاشان بەكاربهێنریت، بەڵام گۆشتی كوڵاو هیچ كێشەیەكی نییە و سەلامەتە ونابێتە هۆی توشبوون بەنەخۆشی تای خوێن بەربوون .
9. ئەگەر ئاژەڵ گەنە یان مێرووی تری هەبوو باشتر وایە نەیكڕیت یان سەری نەبڕێت بو دووربوون لە نەخۆشی تای خوێنبەرببوون ئەم نەخۆشییە لە نێوان ئاژەڵەكان دەگوازرێتەوە و بۆ مرۆڤیش، بەهۆی گەنە و مێرووەكانی كەلەسەر ئاژەڵەكان دەژین وەبەهۆی خوێن و گۆشتی ئاژەڵەكەوە دەگوازرێتەوە .
تۆپ
