شوان محەمەد، ئەندامی ئەنجومەنی نوێنەرانی عێراق رایدەگەیەنێت، وردبینیكردن لە لیستی مووچەی مووچەخۆرانی هەرێم تەواوبووە و هیچ گرفتێك لەبەردەم ناردنی مووچە نەماوە.
راشیگەیاند، لە یاسای بودجەدا تەرخانكراوی دارایی بۆ مووچەی مووچەخۆرانی هەرێم كراوە و دەبووایە هاوشێوەی وەزارەت و فەرمانگەكانی دیكەی عێراق دوای وردبینیكردن لە لیستی مووچەی مووچەخۆراندا بنێردرایە و تەیف سامی وەزیری دارایی عێراق خۆی رەزامەندی بدایە، بەڵام ئامادەنییە واژوو لەسەر ناردنی مووچەی مووچەخۆرانی هەرێم بكات و دەخرێتە بەردەم ئەنجومەنی وەزیرانی عێراق و محەمەد شیاع سودانی سەرۆك وەزیرانی عێراق.
وتیشی، ” داهاتی ناوخۆی هەرێم كە رادەست كراوە بەغداد بڕەكەی بەلاوە كەمە، بەڵام نابێت ئەوە ببێتە گرفت بۆ دواكەوتنی مووچە”.
