بومەلەرزەیەکی دیکە ئیستانبوڵی هەژاند

کەمێک پێش ئێستا، بومەلەرزەیەکی دیکە ئیستانبوڵی هەژاند و دانیشتووانی شارەکە بەتەواوی هەستیانپێکرد.

میدیاکانی تورکیا بڵاویانکردەوە، کاتژمێر 08:33 خولەکی ئەمشەو، بومەلەرزەیەک بە گوڕی 4.3 پلەی رێختەر، رۆژئاوای شاری ئیستانبوڵی هەژاند.

ئاماژە بەوەشکراوە، هاوڵاتییانی شارەکە هەستیان بە بومەلەرزەکە کردووە، بەڵام هیچ زیانێکی گیانی و ماددیی لێنەکەوتووەتەوە.

رۆژی چوارشەممە 23/5/2025، بومەلەرزەیەکی بەهێز بە گوڕی 6.2 پلە بە پێوەری رێختەر، ناوچەکانی نزیک دەریای مەڕمەڕە-ی لە تورکیا هەژاند و دانیشتووانی ئیستانبوڵ و چەند پارێزگایەکی دراوسێی تورکیا، هەستیان بە بومەلەرزەکە کرد.