بەرێوەبەرایەتیی بەرگریی شارستانیی سۆران رایدەگەیەنێت، ئێوارەی ئەمڕۆ چوارشەممە، گەنجێكی تەمەن 22 ساڵ خەڵكی ناحیەی سرێشمە، بەمەبەستی هێنانی گیا بەهارییەكان لە ناحیەی بلێ/چیای پرێسە بێسەروشوێن بووە.
لە راگەیەندراوەكەدا هاتووە، ناوبراو لە كاتژمێر 3ی پاشنیوەڕۆوە پەیوەندی لەگەڵیدا بڕاوە و چارەنووسی نادیارە، بە وتەی كەسوكارەكەی هاوڵاتیەكە ناوی (بەرهەم)ە لەگەڵ باوكی بووە و شوێنەكەش ناوچەیەكی شاخاوییە.
ئاماژە بۆ ئەوەش كراوە، تیمەكانمان بەسەرپەرشتیی راستەوخۆی بەڕێوەبەری بەرگریی شارستانیی ئیدارەی سۆران و زیاتر لە دە تیم سەرقالی گەڕانن بە دوای ناوبراودا.
