كەشناسیی هەرێمی کوردستان رایدەگەیەنێت، نمەباران و بارانبارین دەستپێدەكات و لە ناوچە شاخاوییە سنوورییەكانیش، بەفر دەبارێت.
بەڕێوەبەرایەتیی گشتیی كەشناسی و بومەلەرزەزانیی هەرێمی کوردستان رایگەیاند، ئەمڕۆ پێنجشەممە، ئاسمان نیمچەهەور دەبێت، پاشان دەگۆڕێت بۆ هەوری تەواو، هاوكات نمەباران لە سنووری پارێزگای دهۆک و ئیدارەی زاخۆ دەستپێدەكات و پاشان كاریگەریی بارانبارین درێژ دەبێتەوە و نمەباران و بارانی مامناوەند لە سنووری پارێزگای هەولێر و ئیدارەی سۆران دەبارێت.
راشیگەیاند، لە كاتەكانی شەودا، رێژەی دابارین زیاددەكات و لە زۆربەی ناوچەكان، باران دەبارێت، هاوكات لە ناوچە شاخاوییە سنوورییەكان، كەمێک بەفر دەبارێت.
هەر بەپێی پێشبینییەكانی كەشناسی، سبەی هەینی، ئاسمان هەوری تەواو دەبێت و نمەباران و بارانی مامناوەند بە پچڕپچڕی لە زۆربەی ناوچەكان دەبارێت، هەروەها لە ناوچە سنوورییەكان و ناوچە شاخاوییە بەرزەكان بەفر دەبارێت.
كەشناسی ئاماژەی بەوەشکردووە، پلەی گەرمی بە نزیكی 4 بۆ 5 پلە بەرزدەبێتەوە، هاوكات لە ناوچە شاخاوییەكانیش، پلەی گەرمی 6 بۆ 7 پلە دادەبەزێت.
بەرزترین پلەی گەرمیی پێشبینیکراو:
هەولێر 12 پلەی سیلیزی
پیرمام 8 پلەی سیلیزی
سۆران 7 پلەی سیلیزی
حاجی ئۆمەران 0 پلەی سیلیزی
سلێمانی 10 پلەی سیلیزی
چەمچەماڵ 12 پلەی سیلیزی
دهۆك 10 پلەی سیلیزی
زاخۆ 12 پلەی سیلیزی
هەڵەبجە 13 پلەی سیلیزی
گەرمیان 16 پلەی سیلیزی
