کەشناسیی هەرێم: سبەینێ ئاسمان ساماڵ و پەڵە هەور دەبێت

بەڕێوەبەرایەتیی کەشناسیی و بومەلەرزەزانی هەرێم بڵاویکردەوە، ئەمڕۆ و سبەینێ ئاسمان ساماڵ و پەڵە هەوردەبێت و پلەکانی گەرما بە جێگیری دەمێننەوە.

بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، “ئەمڕۆ سێشەممە ئاسمان ساماڵ و پەڵە هەوردەبێت و هەندێک ناوچە نیمچە هەور دەبێت، پلەکانی گەرما کەمێک بەرز دەبنەوە بەراورد  بە تۆمارەکانی دوێنێ، خێرایى با لەسەرخۆ دەبێت (5-15) کم لەسنوورى پارێزگاى سلێمانى کەمێک خێرایی با زیاتر دەبێت”.

ئاماژەی بەوەش کرد، “سبەی چوارشەممە  ئاسمان ساماڵ و پەڵە هەور دەبێت لە  ناوچە شاخاوییەکان نیمچە هەور دەبێت، پلەکانی گەرما نزیک دەبنەوە بە بەراورد بە تۆمارکراوەکانی ئەمڕۆ”.

سەبارەت بە بەرزترین پلەی گەرمای شارەکان کەشناسیی ئاشکرایکرد، “لە هەولێر16: پلەى سیلیزى، سلێمانی: 16پلەى سیلیزى، دهۆک: 16پلەى سیلیزى

کەرکوک:19 پلەى سیلیزى، هەڵەبجە:16 پلەى سیلیزى، زاخۆ:17 پلەى سیلیزى، سۆران:15 پلەى سیلیزى، گەرمیان:21 پلەى سیلیزى دەبێت”.