قوباد تاڵەبانی جێگری سەرۆک وەزیران رایدەگەیەنێت، کادران بە کردار بەشداری دەکەن لە دانانی سیاسەت و ستراتیژیی یەکێتیدا.
قوباد تاڵەبانی لە پەیامێکدا نووسیویەتی، “ئیتر ئەوە دروشم نییە کە دەڵێین یەکێتی حیزبی کادرانە، چونکە بە کردار کادران بەشداری چالاکانەیان هەیە لە دانانی سیاسەت و ستراتیژی یەکێتیدا”.
دەشڵێت، “هەر کاتێک یەکێتی پشتی بە کادرەکانی بەستبێت بەرەو لوتکە هەڵکشاوە، دڵنیاین لەم قۆناغە نوێیەشدا یەکێتی پشبەستوو بە کادرە ژیر و پێگەیشتووەکانی ساڵ لە دوای ساڵ و کۆنگرە لە دوای کۆنگرە و هەڵبژاردن لە دوای هەڵبژاردن و دیدار لە دوای دیدار تۆکمەتر و بەهێزتر و گەورەتر دەبێت”.
هەر لە پەیامەکەدا هاتووە، “بەڵێ، ئەو گوڕوتین و ئیرادە و متمانە بەخۆبوونە بەهێزەی ئەمڕۆ لە دووەمین دیداری یەکێتی بینرا، مزگێنیدەری سەرکەوتنێکی گەورەترە”.
