لەسەر ڕێگەی کەلار دەربەندیخان بەهۆی وەرگەڕانی ئۆتۆمبێلێکەوە شەش کەس برینداربوون و ڕەوانەی نەخۆشخانە کران.
بەڕێوەبەرایەتیی هاتوچۆی گەرمیان ڕایگەیاند، ئێوارەی ئەمڕۆ ئۆتۆمبێلێکی جۆری (هۆندا سانتافێ) لە قەزای دەربەندیخانەوە بە ئاڕاستەی قەزای کەلار هاتووە، بەرامبەر گوندی لەواوان کۆنتڕۆڵی لەدەستدا و وەرگەڕا، بەهۆیەوە شۆفێر و پێنج لە سەرنشینەکان بـ.ـرینداربوون.
ئاماژەی بەوەشکرد، سەرجەم بریندارەکان ڕەوانەی نەخۆشخانە کراون بەمەبەستی وەرگرتنی چارەسەر، لێکۆڵینەوەش لە ڕووداوەکە دەستیپێکردووە.
