درەنگانی ئەمشەو لە گەڕەكی هەولێری نوێ شەڕەتەقە لەنێوان دوو كەسدا روویدا.
هاوڵاتییەك كە لە شوێنی رووداوەكە بووە و نەیویست ناوی ئاشكرابكرێت، بە تۆڕی میدیایی ئێستای راگەیاند، شەڕەكە سەرەتا بە مشتومڕی نێوان دوو كەس دەستیپێكرد.
وتیشی، شەڕەكە لە فلكەیەكی سووڕانەوەی ئۆتۆمبێلدا روویداوە، دوو شۆفێر هیچیان رێگەی بەوی دیكەیان نەداوە بسووڕێتەوە، بەو هۆیەوە شەڕەدەست لەنێوانیاندا روویداوە و دواتر بەكارهێنانی چەكی تێكەوتووە و هەردووكیان تەقەیان لە یەكدی كردووە.
ئاشكراشیكرد، یەكێك لەو دوو شۆفێرە برینداربووە كە برینەكەی بەهۆی بۆكسەوە بووە و وتی، “تەقەكان هەوایی بوون و تەقەیەكی زۆریان بە ئاسماندا كرد”.
بەپێی زانیارییەكانی ئێستا، هەردوو تەقەكەرەكە دەستگیركراون.
