جێگری سەرۆك وەزیرانی هەرێم بەبۆنەی بەستنی كۆنگرەوە پیرۆزبایی لە یەكێتیی ژنانی كوردستان دەكات.
قوباد تاڵەبانی جێگری سەرۆك وەزیرانی هەرێم دەڵێت، “بەبۆنەی بەستنی كۆنگرەوە، گەرمترین پیرۆزبایی لە یەكێتیی ژنانی كوردستان دەكەم و هیوادارم ئەم كۆنگرەیە گوڕوتینێكی نوێ بە خەبات و كار و چالاكییەكانی یەكێتیی ژنان ببەخشێت”.
دەشڵێت، “خۆشحاڵبووم كە ئەمڕۆ بۆ دووپاتكردنەوەی پشتیوانیی خۆمان بۆ ژنانی كوردستان و یەكێتیی ژنان بەشدارییمان لە كۆنگرەكەیاندا كرد و رێزمان لە 35 ساڵ خەبات و تێكۆشانی رێكخراوەكە گرت لەپێناوی دابینكردنی مافەكانی ژنانی كوردستان”.
