وتەبێژی لقی سلێمانی یەكێتیی بەڵێندەران ڕایدەگەیەنێت، لە وەزارەتی پلاندانانەوە ساڵانە بڕە پارەیەك دیاریدەكرێت بۆ پڕۆژە بەردەوامەكان كە ڕەزامەندی لەسەر بدرێت و بۆ بەڵێندەران خەرجبكرێت، بەڵام وەزارەتی دارایی هەرێم ڕایانگەیاندووە كاری لە پێشینەیان دابینكردنی مووچەیە و بڕیار لەسەر خەرجكردنی پارە بۆ بەڵێندەران نەدراوە.
میران كامیل، وتەبێژی لقی سلێمانی یەكێـتیی بەڵێندەرانی كوردستان لە لێدوانێكدا بە تۆڕی میدیایی ئێستای ڕاگەیاند، ساڵانە لە وەزارەتی پلاندانانەوە بڕیار لەسەر تەرخانكردنی بڕە پارەیەك دەدرێت بۆ پڕۆژە بەردەوامەكان كە دەنێردرێتە وەزارەتی دارایی و پەسەند دەكرێت و دواتر دەستدەكرێت بە خەرجكردنی.
ئاشكرایكرد، لە ئەمساڵدا ئەو بڕە پارەیەی كە پێشنیاز كرابوو بۆ بەڵێندەران خەرجبكرێت ڕەزامەندی لەسەر نەدراوە و بەدواداچوونمان بۆ ئەو بابەتە كردووە و لە وەزارەتی داراییەوە پێمان ڕاگەیەندراوە كاری لە پێشینەی وەزارەت دابینكردنی مووچەیە بۆ مووچەخۆران بۆیە پارە بۆ بەڵێندەران خەرجنەكراوە
