وەزیری کشتوکاڵی هەرێم رایگەیاند، “ئاژەڵە هاوردەکراوەکان لە سەر سنوورەکان کەرەنتین دەکرێن”.
بێگەرد تاڵەبانی، وەزیری کشتوکاڵ و سەرچاوەئاوییەکانی هەرێم لە کۆنفرانسێکی رۆژنامەوانیدا رایگەیاند، “لەسەر سنوورەکان ئەو ئاژەڵانەی هاوردەی هەرێم دەکرێن کەرەنتین دەکرێن بەپێی ماوەیەکی یاسایی و دوای پشکنینی پزیشکی دەهێندرێنە ناو هەرێم”.
وتیشی، “لەگەڵ عێراق هیچ سانسۆرێک لەنێوانماندا نییە بۆ هاوردەکردنی بەرهەمە خواردەمەنییەکان و گۆشت، لەبەر ئەوە لەڕێگەی وەزارەتی ناوخۆوە ئامادەکاریی دەکەین بۆ ئەوەی رێگری لە بڵاوبوونەوەی پەتای خوێنبەربوون بکەین کە نەگاتە هەرێمی کوردستان”.
