زیاتر لە 30 کاتژمێر بەسەر هێرشەکەی سەر ماڵی پێشڕەو دزەیی تێپەڕیوە و تا ئێستا تەرمی دایەنی کچە تەمەن 11 مانگانەکەی نەدۆزراوەتەوە.
بەپێی زانیارییەکان، ئەمڕۆ چوارشەممە بۆ دووەمین رۆژ گەڕان بەدوای تەرمی دایەنی ئەو کچەی پێشڕەو دزەیی بەردەوامە کە تەمەنی تەنها 11 مانگ بوو و لە هێرشەکەی سەر هەولێر گیانیلەدەستدا، تا ئێستا نەتوانراوە بدۆزرێتەوە.
هەر بەپێی زانیارییەکان، گوماندەکرێت تەنها تەرمی میشێل کە ئافرەتێکی بە رەگەز فلیپینییە و دایەنی ژینە پێشڕەو دزەیی بووە لەژێر داروپەردووی خانووە رووخاوەکەدا مابێتەوە.
