لەماوەی 24 كاتژمێری ڕابردوودا 58 توشبووی نوێی كۆرۆنا و یەك حاڵەتی گیان لەدەستدان لە هەرێم تۆماركراون.
وەزارەتی تەندروستیی هەرێم ئەمڕۆ یەكشەممە 24ی كانونی دووەم ئاماری 24 كاتژمێری ڕابردووی تایبەت بە كۆرۆنای بڵاوكردەوە و دەڵێت، چوار هەزار و 148 پشكنین ئەنجامدراون و لەو ژمارەیە 58 توشبووی نوێ تۆماركراون.
هەر لەو ماوەیەدا 965 توشبوو چاكبوونەتەوە و یەك توشبووش گیانی لەدەستداوە.
كۆی گشتی توشبووانی كۆرۆنا لە هەرێم گەیشتە 105 هەزار و 608 كەس، لەو ژمارەیە 93 هەزار و 490 كەسیان چاكبوونەتەوە و سێ هەزار و 456 توشبووش گیانی لەدەستداوە.
