کەشناسیی هەرێم: پلەی گەرمی بەرزدەبێتەوە

کەشناسیی هەرێم رایگەیاند، ئەمڕۆ و سبەی پلەی گەرمی روو لە بەرزبوونەوە دەکات.

بەپێی راگەیەندراوێکی بەڕێوەبەرایەتیی گشتیی کەشناسی و بومەلەرزەزانیی هەرێم کە وێنەیەکی دەست تۆڕی میدیایی ئێستا کەوتووە، ئەمڕۆ شەممە، ئاسمان ساماڵ دەبێت لەگەڵ دروستبوونی هەندێک پەڵەهەور؛ پلەی گەرمییش بە 2-3 پلە بەراورد بە تۆمارکراوەکانی دوێنێ بەرزدەبێتەوە.

لەبارەی کەشی سبەی یەکشەممەوە، کەشناسیی هەرێم دەڵێت، ئاسمان ساماڵ و پەڵەهەور دەبێت، هەندێکجار دەگۆڕێت بۆ هەوری تەواو.

ئاماژە بەوەشدەکات، سبەی پلەی گەرمی بە 1-2 پلەى سیلیزى بەراورد بە تۆمارکراوەکانی ئەمڕۆ بەرزدەبێتەوە.

بەرزترین پلەی گەرمیی پێشبینیکراو:

هەولێر : 29  پلەی سیلیزی

سلێمانی : 27 پلەی سیلیزی

دهۆک : 27  پلەی سیلیزی

کەرکوک : 31 پلەی سیلیزی

زاخۆ  : 28 پلەی سیلیزی

هەڵەبجە : 27 پلەی سیلیزی

سۆران : 25 پلەی سیلیزی

حاجی ئۆمەران : 15 پلەی سیلیزی

گەرمیان :33 پلەی سیلیزی