نێردەی تایبەتی سکرتێری گشتیی نەتەوە یەکگرتووەکان لە عێراق، رایگەیان، “عێراق لەبەردەم هەڵبژاردنێکی زۆرگرنگدایە”.
محەمەد حەسان، نێردەی تایبەتی سکرتێری گشتیی نەتەوە یەکگرتووەکان لە عێراق، لە میانەی بەشداریکردنی لە نۆیەمین دیداری سلێمانی رایگەیاند، “دیداری سلێمانی دیدارێکی گرنگ و کاریگەرە و لەگەڵ ئەو بۆچوونانەدام کە بە داڤۆسی رۆژهەڵاتی ناوەراست ناویدەبەن”.
وتیشی،”پێویستە سەرجەم لایەنەکانی عێراق کار لەسەر پێکەوەژیان بکەن و خۆیان لە دابەشبوون و ناکۆکی بەدووربگرن، چونکە وڵاتەکە لەبەردەم هەڵبژاردنێکی زۆر گرنگدایە”.
محەمەد حەسان، ئەوەشی وت،”ئەمساڵ ئەرکەکانمان لە عێراق کۆتاییان دێت، بەڵام لە پشتیوانیکردنی وڵاتەکە بۆ بەدیهێنانی ئاشتی و سەقامگیری هەر بەردەوامدبین”.
