تۆڕی هەواڵی بلومبێرگ بڵاویکردەوە، حکومەتی عێراق لە هەوڵدایە نرخی خەمڵێندراوی نەوت لە یاسای بودجەدا کەمبکاتەوە.
تۆڕی هەواڵی بلومبێرگی ئابوریی نێودەوڵەتی لە نوێترین راپۆرتیدا لە زاری بەرپرسانی عێراقەوە بڵاویکردەوە،، حکومەت لە هەوڵدایە دووبارە نرخی نەوت لە یاسای بودجە دابڕێژێتەوە، بە ئامانجی ئەوەی توانای راستەقینەی حکومەت بۆ پاکتاوکردنی خەرجی کردارەکی و لە هەمووشیان گرنگتر مووچە لەسەر بنەمای نرخی نوێی نەوت بزانێت.
ئاماژەی بەوەشکرد، دابەزینی نرخی نەوت فشارێکی زۆری لەسەر ئەو وڵاتانەی داهاتیان لەسەر نەوتە دروستکردووە بە تایبەت عێراق، بەهۆی ئەوەی پشتبەستنی تەواوی بە داهاتی نەوتە.
ئاشکراشیکرد، کەمکردنەوەی نرخی نەوت لە یاسای بودجە هاوکاردەبێت بۆ بەرچاوروونبوونەوەی حکومەت لەبەرامبەر تواناکانی بۆ بەڕێوەبردنی خەرجییەکانی و کەمکردنەوەیان.
