کۆمپانیای نەوتی بەریتانی، دەست بەکارەکانی دەکات لە کێڵگە نەوتییەکانی شاری کەرکوکدا و هەزاران هەلی کار بۆ هاوڵاتییان دەرەخسێنێت.
میدیا عێراقییەکان بڵاویانکردووەتەوە، دوای واژووکردنی گرێبەستەکەی لەلایەن حکومەتی عێراقەوە، کۆمپانیای نەوتی بەریتانی BP بەمزووانە دەست بەکارەکانی دەکات لە کێڵگە نەوتییەکانی شاری کەرکوکدا.
ئاماژەیان بەوەشداوە، لە ناوەڕۆکی گرێبەستی نێوان کۆمپانیاکە و حکومەتی عێراقدا بڕیاردراوە رێژەی کارمەندانی کۆمپانیاکە 85%ـی هاوڵاتیی عێراق بن، بەوهۆیەوە هەزاران هەلی کار بۆ هاوڵاتییانی عێراق بە گشتیی و شاری کەرکوک بە تایبەت دەرەخسێنرێت.
ئەوەشیان خستووەتەڕوو، رێکەوتنەکە دەربارەی چاکسازیکردن و بەرەوپێشبردنی چوار کێڵگەی نەوتە لە شاری کەرکوکدا، کە بریتین لە کێڵگەکانی: (بای حەسەن، هاڤانە، جمبور و بابە گوڕگوڕ).
