لە یەكەم بارانبارینی ئەمساڵدا، ژن و پیاوێك لە پارێزگای سەڵاحەدین بە هەورەبروسكە گیانیان لەدەستدا.
بەپێی سەرچاوەیەكی ئەمنی لە پارێزگای سەڵاحەدین، ئەمڕۆ پێنجشەممە بەهۆی بەركەوتنی هەورەبروسكەوە، ژن و پیاوێك پێكەوە سووتاون و گیانیان لەدەستداوە.
سەرچاوەكە ڕایگەیاند، ئەو ژن و پیاوە شوانكارە بوون و لە كاتی لەوەڕاندنی مەڕەكانیاندا لە نزیك قەزای عەلەمی خۆرهەڵاتی تكریت، هەورەبروسكە لێیدوان و دەستبەجێ گیانیان لەدەستداوە.
ئەمڕۆ نمەباران و هەورەبروسكە چەند ناوچەیەكی هەرێمی كوردستان و باكووری عێراقی گرتەوە و بەراورد بە كەمیی بارانبارینەكە، هەورەبروسكەی زۆر و بەهێزی لەگەڵدا بوو.
