شاڵاو هیدایەت، شارەزای بواری كەشناسی رایگەیاند، ئەمشەو تاوەكو دەنگانی شەو لە هەندێك شوێنی بادینان و هەولێر و سنووری ئیدارەی راپەڕین و زۆر شوێن لە گەرمیان و سنووری پارێزگای هەڵەبجە و سلێمانی ئەگەری باران ماوە بە بڕی جیاواز كەم بۆ مامناوەند و لە بەشێك شوێنی گەرمیان و هەڵەبجە و سلێمانی و لە ناوچە سنووریی و شاخاوییە بەرزەكانیش بەفر دەبارێت.
راشیگەیاند، لە كاتەكانی بەرەبەیان شەپۆلەكە بە گشتی كۆتایی دێت و سبەی لە هەندێك شوێنی كەم و زیاتر كوێستانەكان ئەگەری رێژنە بارانی كاتی كورتخایەن هەیە و لە زۆرینەی ناوچەكان كەشوهەوا سەقامگیرە كە گونجاوە بۆ گەشتكردن.
وتیشی، “كۆتایی هەفتە و پێنجشەممە و هەینی و شەممەش كەشوهەوا لەبار و گونجاوە بۆ گەشت و دەرەوە هیچ شەپۆلێكی دابارین لەئارادانییە”.
