بەڕێوەبەرایەتیی بەرگریی شارستانیی سۆران داوا لە هاوڵاتییانی سنوورەکە دەکات وەک ئامادەکاریی بۆ هاتنی شەپۆلێکی تەرزەبارین ئۆتۆمبێلەکانیان دابپۆشن.
بەڕێوەبەرایەتیی بەرگریی شارستانیی سۆران بڵاویکردەوە، بەپێی پێشبینییەکان ئەگەری هاتنی شەپۆلێکی بەهێزی بارانبارین و تەرزەبارین دەکرێت، بۆیە داوا لە هاوڵاتییانی ئیدارەی سەربەخۆی سۆران دەکەین ئامادەکاری بکەن بەتایبەت بۆ ئۆتۆمبێلەکانیان لە شوێنی پارێزراو پارکینگ بکەن تا لە زیان بەدوور بن.
هەفتەی رابردوو شەپۆلێکی چڕی تەرزەبارین سنووری سۆرانی گرتەوە بەهۆیەوە زیاتر لە 200 ئۆتۆمبێل زیانیان بەرکەوت.
