لە سنووری ئیدارەی سەربەخۆی سۆران، ژمارەیەک مین و پاشماوەی تەقەمەنی جەنگی کەبەهۆی بارانەوە خزابوونەخوارەوە لەناوبران.
بەڕێوەبەرایەتیی گشتیی کاروباری مین/ هەولێر، لە راگەیەندراوێکدا بڵاویکردەوە، ئەمڕۆ دووشەممە لەسنووری ئیدارەی سەربەخۆی سۆران، قەزای سیدەکان، گوندی خراوا، نزیک کێڵگەمینی شێخ ستۆک، 15 مین لەجۆری V69 ڤاڵمارا، لەگەڵ دوو پاشماوەی تەقەمەنی جەنگی بەهۆی بارانەوە کەوتبوونە خوارەوە و مەترسیان لەسەر هاوڵاتییان دروستکردبوو.
باس لەوەش دەکات، بۆیە بەفەرمانی بەڕێوەبەرایەتیی گشتیی کارووباری مین/ هەولێر، بە راسپاردنی تیمی لەناوبردنی تەقەمەنیەکان EOD سەرجەمیان لەناوبران و مەترسییەکە لەسەر دانیشتووانی گوندەکە هەڵگیرا.
