جەنگی ڕاگەیاندنی نێوان بەڕێوبەر و ڕاهێنەری پاریس کۆتاییەکی خراپی دەبێت

یانەی پاریس سانت جێرمانی فەرەنسی لە ڕووی کارگێڕییەوە بە دۆخێکی ئاڵۆزدا تێپەڕدەکات، جەنگی لێدوانیی نێوان بەرێوبەر و ڕاهێنەری یانە ڕەنگە بە دوورخستنەوەی یەکێکیان کۆتاییبێت.

ڕۆژنامەی بێلدی ئەڵمانی لە زاری لیکیپی فەرەنسییەوە بڵاویکردووەتەوە، ڕاهێنەری یانەی پاریس سانت جێرمان، تۆماس توخێل لە کۆتایی ئەم وەرزەدا بۆندەکەی نوێناکاتەوە و پەیوەندی لەگەڵ سەرۆکایەتی یانە بەتەواوی پچڕاندووە.

لە چەند ڕۆژی ڕابردوودا توخێل ڕەخنەی توندی لە سەرۆکایەتی یانە گرت و ڕایگەیاند، بەبێ کڕینی یاریزانی نوێ و پڕکردنەوەی ئەو کەلێنەی بەهۆی ڕۆیشتنی تیاگۆ سیلڤا و کاڤانییەوە دروستبووە، مەحاڵە لە وەرزی نوێدا بتوانن هەمان دەستکەوتەکانی وەرزی ڕابردوو تۆماربکەنەوە.

لە وەڵامدا بەڕێوبەری وەرزشیی پاریس سانت جێرمان، لیۆناردۆ ئاراوخۆ ڕایگەیاند، ” ڕەخنەکانی توخێل بە دڵی ئیدارەی یانە نییە، هەر کەسێکیش یانەکەی بەدڵ نییە دەتوانێت ماڵئاوایی بکات”.

بەهۆی ئەم وەڵامە نەرێنییە توندەوە، توخێل بێزاربووە و بڕیاریداوە لە کۆتایی وەرزدا کۆتایی بە بۆندەکەی بهینێت و واژووی بۆندی نوێ نەکات.

ڕۆژنامە فەرەنسییەکە دووپاتیدەکاتەوە، بەهۆی دەستکەوتەکانی وەرزی ڕابردوو لە هەمووی گرنگتر گەیشتن بە فاینەڵی خولی یانە پاڵەوانەکان، توخێلی ئەڵمانی پێگەیەکی لەنێو بۆردی کارگێڕی پاریس پێکهێناوە و بەهۆی ئەو کارلێکە باشەی لەگەڵ یاریزانان و پێکهاتەی یانەکە کردوویەتی نایانەوێت دەستبەرداریبن، بۆیە نەزانراوە ئایا ئەگەر پەیوەندی نێوان لیۆناردۆ و ڕاهێنەرە ئەڵمانییەکە بەو شێوەیە بەردەوام بێت چی ڕوودەدات؟

هەموو ئەگەرەکانیش بەو ئاڕاستەیەن یەکێک لەو دووانەیە یانەکە بەجێبهێڵن و تەنانەت دوورخستنەوەی لیۆناردۆ بە دوور نەزانراوە.

بابەتی پێشتر

کاپتنی هەڵبژاردەی ئەرمینیا: لە جەنگ نیم و یاریدەی وڵاتەکەم دەدەم

بابەتی دواتر

چی بەسەرهاتووە؟ یەک وەرزی هازارد لە ڕیاڵ مەدرید یەکسانە بە حەوت ساڵی چێڵسی

بابەتی پەیوەندیدار
زیاتر ببینە

ئارسیناڵ چاوەڕوانی جیسۆزە

یانەی ئارسیناڵی ئینگلیزی هەوڵەکانی بۆ گواستنەوەی گابریێل جیسۆز لە یانەی مانچستەر سیتییەوە چڕ کردووەتەوە. “فووتبۆڵ لەندەن” بڵاویکردووەتەوە، بەڕێوەبەرانی…
زیاتر ببینە

(ڤیدیۆ) ئیسپانیا پاڵه‌وانی ئه‌وروپای تێپه‌ڕاند و گه‌یشته‌ فاینه‌ڵی “نه‌یشن لیگ”

هه‌ڵبژارده‌ی ئیسپانیا له‌ قۆناغی نیوه‌ی کۆتایی خولی نه‌ته‌وه‌کانی ئه‌وروپا، ڕووبه‌ڕووی ئیتاڵیا بووه‌وه‌ و بردنه‌وه‌یه‌کی گه‌وره‌ی تۆمارکرد. ئه‌مشه‌و چوارشه‌ممه‌،…
Total
0
Share