کۆمسیۆن دەرگای تۆمارکردنی حزب و لایەنە سیاسییەکان دەکاتەوە

کۆمسیۆنی عێراق رایگەیاند، “رۆژی 15ی ئەم مانگە دەرگای تۆمارکردنی ناوی لایەنە سیاسییەکان دەکرێتەوە”.

کۆمسیۆنی باڵای سەربەخۆی هەڵبژاردنەکانی عێراق رایگەیاند، “پرۆسەی تۆمارکردنی ناوی حزب، هاوپەیمانێتی و لایەنە سەربەخۆکان رۆژی 15ی ئەم مانگە بۆ هەڵبژاردنی ئەنجومەنی نوێنەران دەستپێدەکات”.

باس لەوەشدەکات، “پرۆسەکە تاوەکو 4ی ئایاری 2025 بەردەوامدەبێت”.

رۆژی 11ی تشرینی دووەمی 2025 بۆ هەڵبژاردنی ئەنجومەنی نوێنەرانی عێراق دیاریکراوە.