پۆلیسی سلێمانی ڕایگەیاند، نوسینگەی نەهێشتنی تاوانی چەمچەماڵ تۆمەتبارێكیان دەستگیركردووە كە كچێكی ڕفاندووە.
بەپێی ڕاگەیەندراوێكی بەڕێوەبەرایەتیی پۆلیسی سلێمانی، “دوای ئەوەی هاوڵاتییەك سكاڵای تۆماركرد لە نوسینگەی نەهێشتنی تاوانی چەمچەماڵ كە كچەكەی ڕفێندراوە ، هێزەكانی پۆلیس لێكۆڵینەوەكانی دەستپێكردوو دوای كۆكردنەوەی زانیاری ورد لەسەر شوێنی تۆمەتبار و وەرگرتنەوەی كامێراكانی چاودێری توانرا تۆمەتبار لەلایەن نوسینگەی نەهێشتنی تاوانی چەمچەماڵەوە دەستگیربكرێت .”
ئاماژەی بەوەشكردووە، “لە ئێستادا تۆمەتبار (ع ، س ، ع ) تەمەن 19 ساڵ بەبڕیاری دادوەر و بەپێی ماددەی 421 لە یاساسی سزادانی عێراقی ڕاگیراوە و دانیناوە بە تاوانەكەیدا، لەكاتی لێكۆڵینەوەشدا تۆمەتبار دانیناوە بەچەندین تاوانی دزیكردنی ماتۆڕسكیل” .
