بەڕێوەبەریی گشتیی تەندروستیی سلێمانی رایگەیاند، لە ئێستادا دەستمان بە کڕینی دەرمان کردووە و ئەگەر کێشە دروستنەبێت بەشێکی زۆری پێداویستییەکانمان پڕدەکاتەوە.
د. سەباح هەورامی، بەڕێوەبەریی گشتیی تەندروستیی سلێمانی رایگەیاند، لە ئێستادا لە رێگای تەندرەوە دەسمان بە کڕینی دەرمان و پێداویستی پزیشکی کردووە و ئەگەر کێشەی نەختینەمان بۆ دروست نەبێت، ئەوا دەتوانین بەشێکی زۆری پێداویستییەکانمان لە رێگایەوە دابین بکەین.
ئاماژەی بەوەشدا، رەزامەندی لەسەر کڕینی دەرمان و پێداویستی پزیشکی لە ئەنجومەنی وەزیرانی هەرێمەوە دەرچووە، و لە ئێستادا لە وەزارەتی داراییە و لە دواتردا دەگاتە وەزارەتی تەندروستیی هەرێم.
دەربارەی کڕینی پێداویستیی تاقیگەکانیش ئەوەشی خستەڕوو، پێشبینی دەکەین لە مانگی داهاتوودا کڕینی پێداویستیی تاقیگەیان بچێتە بواری جێبەجێکردنەوە و تا مانگی داهاتووش لەرێگای چەند هەنگاوێکەوە رێگری دەکەین لەوەی پێداویستییان نەمێنن.
