وەزارەتی گواستنەوە چی دەڵێت؟
كۆمپانیاكان قەرەبووی كاتەكانی بڕینی ئینتەرنێت بۆ بەشداربووانیان ناكەنەوە

پرۆسەكە بۆ باشتر بەڕێوەچوونی تاقیكردنەوەكانە، بەڵام دەبێتەهۆی پێشێلی مافی بەشداربووان.

لەگەڵ بەڕێوەچوونی تاقیكردنەوە گشتییەكان ڕۆژانە بۆ چەند كاتژمێرێك هێڵەكانی ئینتەرنێت ڕادەگیرێت و بەشداربووان لەو خزمەتگوزارییە بێبەشدەكرێن بەبێ ئەوەی قەرەبوو بكرێنەوە، وتەبێژی وەزارەتی گواستنەوە و گەیاندن ئەركی وەزارەتەكەیان لەو ڕووەوە دیاریدەكات و دەڵێت، بەشداربووان دەتوانن سكاڵا بكەن.

ساڵانە هاوكات لەگەڵ بەڕێوەچوونی خولی یەكەم و دووەمی تاقیكردنەوە گشتییەكانی 12ی ئامادەیی، ڕۆژانە بۆ چەند كاتژمێرێك هێڵەكانی ئینتەرنێت ڕادەگیرێت، كە ئامانج لێی ڕێگریكردنە لە قۆپیە و ساختەكاری.

ئەگەرچی پرۆسەكە بۆ باشتر بەڕێوەچوونی تاقیكردنەوەكانە، بەڵام دەبێتەهۆی پێشێلی مافی بەشداربووان.

دیلان ڕەشاد، وتەبێژی وەزارەتی گواستنەوە و گەیاندنی هەرێم بە تۆڕی میدیایی ئێستای ڕاگەیاند، بڕینی هێڵەكان لەسەر داوا و نووسراوی فەرمیی وەزارەتی پەروەردەیە كە ئاڕاستەی وەزارەتی گواستنەوە كراوە، ئەوانیش ئاراستەی كۆمپانیاكانی گەیاندنی دەكەن لەبەر بەرژەوەندیی گشتی و بەمەبەستی ڕێگریكردن لە ساختەكاری.

لەئێستادا كە وەرزی دووەمی تاقیكردنەوەكان بەڕێوەدەچێت لەكاتژمێر 6:30 خولەكی بەیانی تا كاتژمێر 9:30 خولەك هێڵەكان ڕادەگیرێن، كە بەراورد بە خولی یەكەم كاتژمێرێك كەمكراوەتەوە.

دیلان ڕەشاد وتی، “ئەو كارە پرۆسەیەكی بەردەوامە و هەموو ساڵێكە و پێویست بە قەرەبووكردنەوە ناكات، چونكە كۆمپانیاكانیش تیایدا زەرەرمەنددەبن، هاوڵاتییانیش دەبێت بۆ ئەو چەند كاتژمێرە ڕەچاوی بارودۆخی خوێندكاران بكەن كە ساڵانە بە ناهەق خەڵكێك بە غەش و قۆپیە دەردەچن و نمرەی زۆر دەهێنن”.

دەربارەی ئەوەی زۆرینەی بەشداری لە هێڵەكانی ئینتەرنێت لە هەرێمی كوردستان مانگانەیە و بۆچی بیر لەوەنەكراوەتەوە بۆ ئەو ماوەیەی هێڵەكان ڕادەگیرێت قەرەبووی بەشداربووان بكرێتەوە؟ وتەبێژی وەزارەتی گواستنەوە و گەیاندن وتی، “بەپێی یاسا و ڕێنماییەكان ئەركی سەرشانی ئێمە تەنها ئاگاداركردنەوەی كۆمپانیاكانە”.

ئەوەشی وت، “هەر كۆمپانیایەك گرێبەستی لەگەڵ بەشداربوو هەیە و هەموو ڕێنماییەكانی تێدایە، بەشداربوو هەر ناڕەزاییەكی هەیە یان كەموكوڕییەك دەبینێ و بە ناهەقی دەزانێت، دەتوانێت بەڕێگای یاسایی سكاڵا تۆماربكات و داوای مافی خۆی بكات”.

رۆژی 6ی ئەیلول تاقیکردنەوەی خولی دووەمی پۆلی 12ی ئامادەیی دەستیپێکرد و تا ڕۆژی 15ی ئەم مانگە بەردەوام دەبێت، تاقیكردنەوەكانی خولی یەكەمیش لە 25ی تەمموز دەستیپێكرد و نزیكەی مانگێكی خایاند.

بابەتی پێشتر

ڤیدیۆ.. پەیامی قوباد تاڵەبانی لە سەردانیدا بۆ مۆنۆمێنتی ئەنفال

بابەتی دواتر

  ئایا دەکرێت کاتژمێرەکانی کەمیی نووستن لە ڕۆژانی پشوودا قەرەبوو بکرێتەوە؟

بابەتی پەیوەندیدار
زیاتر ببینە

هەڤاڵ ئەبوبەكر: هیوادارم مامۆستایان بڕیاری ناردنی پارە لە بەغدادەوە بە دەستكەوتی خۆیان بزانن و بگەڕێنەوە هۆڵەکانی خوێندن”

پارێزگاری سلێمانی رایدەگەیەنێت، هیوادارم مامۆستایان بڕیاری ناردنی پارە لە بەغدادەوە بە دەستكەوتی خۆیان بزانن و بگەڕێنەوە هۆڵەكانی خوێندن…
Total
0
Share