رێپێدراوی بزووتنەوەی گۆڕان لە ئۆفیسی سلێمانی كۆمسیۆنی باڵای سەربەخۆی هەڵبژاردنەكانی عێراق رایدەگەیەنێت، بزووتنەوەی گۆڕان لە (10/4/2025) كۆنفڕانسی نیشتمانی دەبەستێت و ئەمڕۆ نووسراوی رەسمیی كۆمسیۆنمان بەدەست گەیشت.
رۆڤان سەروەت، رێپێدراوی بزووتنەوەی گۆڕان لە ئۆفیسی سلێمانی كۆمسیۆنی باڵای سەربەخۆی هەڵبژاردنەكان راگەیاند، ئەمڕۆ هەینی لەژێر راسپاردەی بڕیاری سەرۆكی كۆمسیۆنی باڵای سەربەخۆی هەڵبژاردنەكانی عێراق و پاڵپشت بە نووسراوی فەرمانگەی پارت و رێكخراوە سیاسییەكان ژمارە (875)، لە (27/3/2025)، بە رەسمی ئاگادار كراینەوە بۆ بەستنی كۆنفڕانسی نیشتمانیی بزوتنەوەی گۆڕان لە رۆژی پێنجشەممە (10/4/2025).
وتیشی، “وەكو بزووتنەوەی گۆڕان هەموو ئامادەكارییەكانمان تەواو كردووە بۆ ئەوەی لەژێر راسپاردە و ڕێنماییەكانی فەرمانگەی پارت و رێكخراوە سیاسییەكانی كۆمسیۆنی باڵای سەربەخۆی هەڵبژاردنەكان و ئۆفیسی پارێزگای سلێمانی كۆمسیۆن لەو رۆژەدا كۆنفڕانس ببەستین”.
