شەڕ لە زانكۆی نۆلج لە هەولێر روویداوە و تەقەی تیادا كراوە، پۆلیس چووەتە شوێنی رووداوەكە و تەقەكەرەكەشی دەستگیركردووە، بەڵام زانكۆكە رەتیدەكاتەوە.
دوای بڵاوبوونەوەی هەواڵی تەقەكردن لە زانكۆی نۆلج لە هەولێر و رەتكردنەوەی هەواڵەكە لەلایەن سەرۆكایەتیی زانكۆكەوە، خوێندكارێكی زانكۆی نۆلج كە نەیویست ناوی ئاشكرابكرێت بە تۆڕی میدیایی ئێستای راگەیاند، “نیوەڕۆی ئەمڕۆ سێشەممە شەڕ و دەمەقاڵێ لە نێوان دوو خوێندكاری بەشی دەرمانسازیی زانكۆكەدا روویدا، دواتر پەرەیسەند بۆ بەكارهێنانی چەك”.
وتیشی، “یەكێك لە خوێندكارەكان دەمانچەی دەرهێنا و تەقەیكرد، هۆكاری شەڕەكەش پرسێكی كەسی و تایبەت بوو، دواتر هێزەكانی پۆلیس گەیشتنە شوێنی رووداوەكە و هەردوو خوێندكارەكەیان دەستگیركرد”.
