سەرۆكی پارتی سۆسیال دیموكراتی كوردستان داوادەكات پەلەبكرێت لە پێكهێنانی كابینەی نوێی حكومەت و دەڵێت، “پێویستە هەوڵبدرێت لە مانگی چواردا حكومەت پێكبهێندرێت”.
محەمەد حاجی مەحمود، سەرۆكی پارتی سۆسیال دیموكراتی كوردستان رایگەیاند، پێش ئەوەی كێشەی ناوچەكە رووبدات پێكهێنانی حكومەت زۆر گرنگە و پێویستە هەوڵبدرێت لە مانگی چواردا كابینەی نوێی حكومەت پێكبهێندرێـت.
لەبارەی بەشداریكردنیان لە كابینەی دەیەم، محەمەد حاجی مەحمود وتیشی، “ئەوە كاتی ماوە و دەبێت یەكێتی و پارتی رێكبكەون و سەرۆكایەتیی پەرلەمان هەڵبژێرن و گەورەترین كوتلە پێكبهێنن و دواتر سەردانی لایەنەكان بكەن”.
