وتەبێژی گەشتوگوزاری سلێمانی رایگەیاند، لە سێیەم رۆژی جەژنی رەمەزاندا، 70%ـی هۆتێل و ناوچە گەشتیارییەکان پڕبوون لە گەشتیار.
گۆران قادر، وتەبێژی گەشتوگوزاری سلێمانی رایگەیاند، لە سێیەم رۆژی جەژنی رەمەزانەوە، هاتنی گەشتیاران بەلێشاو بۆ شاری سلێمانی دەستپێكردووە و سەرجەم هۆتێل و ناوچە گەشتیارییەکان ئامادەكارییان بۆ هاتنی گەشتیار كردووە.
وتیشی، ئەوەی تائێستا بە ئێمە گەیشتووە، 70%ـی هۆتێل و ناوچە گەشتیارییەکان پڕبوون لە گەشتیار و شوێنیان نەماوە، هاوکات زیاد لە 100 گروپی گەشتیاری، لەم چەند رۆژەدا سەردانی شاری سلێمانییان كردووە.
ئاماژەی بەوەشکرد، لە شاری سلێمانی شوێنی مانەوەی یەك كەس لە پێنج هەزار دینارەوە دەستپێدەکات تاوەكو نزیكەی 100 دۆلار.
