پڕۆژەیەکی ئاوەڕۆ و قیرتاوکردن بە بودجەی 470 ملیۆن دینار لە هەڵەبجە جێبەجێدەکرێت.
ئەمڕۆ هەینی، وەزارەتی شارەوانی و گەشتوگوزاری حکومەتی هەرێمی کوردستان رایگەیاند، پڕۆژەیەک بە بودجەی 470 ملیۆن دینار لە پارێزگای هەڵەبجە جێبەجێدەکرێت.
ئاماژەی بەوەشدا، پڕۆژەکە بریتیییە لە پڕۆژەیەکی ئاوەڕۆ و قیرتاوکردنی چەند شەقام و کۆڵانێکی سنووری سەرۆکایەتی شارەوانیی هەڵەبجە و لەسەر بودجەی ئاسایی سەرۆکایەتیی شارەوانیی هەڵەبجە بە بودجەی 470 ملیۆن دینار جێبەجێدەکرێت.
ئەوەشی خستەڕوو، پڕۆژەکە دەبێتە یەکێک لە گرنگترین پڕۆژەکانی شارەوانی و ئاستی خزمەتگوزاری شارەکە بەرزدەکاتەوە و کار ئاسانی بۆ هاوڵاتییان دەکات.
