ئاماری قەرزی هاوبەشانی کارەبا لە چەمچەماڵ بڵاوکرایەوە

کارەبای سلێمانی ئاماری قەرزی هاوبەشانی کارەبا لە چەمچەماڵ بڵاوکردەوە کە تیایدا زیاتر لە شەش هەزار کەس هیچ قەرزێکیان لا نییە و یەک هاوبەشیش بڕی 10 ملیۆن دینار قەرزارە.

بەڕێوەبەرایەتیی گشتیی کارەبای سلێمانی کۆتا ئاماری هاوبەشانی کارەبا و رێژەی قەرزەکانی هاوبەشانی مالانی بڵاوکردەوە و رایگەیاند، لە سنووری بەڕێوەبەرایەتییەکانی دابەشکردنی کارەبای چەمچەماڵ 53 هەزار و 237 هاوبەشی کارەبا بوونی هەیە، لەو ژمارەیەش 47 هەزار و 302 هاوبەشی ماڵانن.

ئاماژەی بەوەشدا، لە 53 هەزار و 237 هاوبەش، شەش هەزار و 378 هاوبەشی کارەبا هیچ قەرزێکیان لانییە و تەنها یەک هاوبەش بڕی 10 ملیۆن دیناری قەرزارە.

ئەوەش خراوەتەڕوو، هەشت هەزار و 422  هاوبەش كەمتر لە 100 هەزار دینار قەرزارن.

15 هەزار و 983 هاوبەش بڕی 100,000 بۆ 500,000 دینار قەرزارن.

12 هەزار و 304 هاوبەش بڕی 100,000 بۆ 1 ملیۆن دینار قەرزارن.

چوار هەزار و 122 هاوبەش بڕی 1 بۆ 2  ملیۆن دینار قەرزارن.

92 هاوبەش دوو بۆ 10 ملیۆن دینار قەرزارن.

تەنها یەک هاوبەش سەروو 10 ملیۆن دینار قەرزارە.