وەزیری دارایی هەرێم رایدەگەیەنێت، خزمەتكردنی خانەنشینان و كارئاسانیی بۆیان لە پێشینەی كارەكانمان بووە.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، رۆژی دووشەممە ئاوات شێخ جەناب وەزیری دارایی و ئابوری پێشوازیكرد لە ژمارەیەك بەرپرس و بەڕێوەبەری بەش و دامەزراوەكان لەسەر ئاستی بەڕێوەبەرایەتیەكانی وەزارەت كە لە سەرەتای ئەمساڵەوە بڕیاری خانەنشین بوونیان دەرچووە.
هەر لە دیدارەكەدا وەزیری دارایی رایگەیاند، خزمەتكردنی توێژی خانەنشینان لەپێشینەی كارەكانیان بووە و لەو پێناوەشدا هەموو هەوڵەكانی خۆیان دەخەنەگەڕ تا بتوانرێت لە زووترین كاتدا كارەكانی دۆسیەی ئەو فەرمانبەرانە تەواوبكرێن كە بڕیاری خانەنشین بوونیان دەرچووە.
