وەزیری نەوتی عێراق دەربارەی هەناردەکردنەوەی نەوتی هەرێمی کوردستان رایگەیاند، “لە گفتوگۆداین و تاوتوێی بابەتەکە دەکەین”.
حەیان عەبدولغەنی، وەزیری نەوتی عێراق رایگەیاند، پێشبینی دەکەین لە ماوەکانی داهاتوودا هەرناردەکردنی نەوتی عێراق لە رێگای بەندەری جەیهانەوە زیادبکات و بگاتە 350 هەزار بەرمیلی رۆژانە.
وتیشی، “لە گفتوگۆداین دەربارەی هەناردەکردنەوەی نەوتی هەرێمی کوردستان و لە ئێستادا بابەتەکە تاوتوێ دەکەین، بەڵام سەرپەرشتی و کۆنتڕۆڵی پڕۆسەکە ناکەین، چونکە لە بودجەی عێراقدا 16 دۆلار بۆ هەر بەرمیلێکی نەوتی هەرێم دیاریکراوە”.
ئاماژەی بەوەشدا، وەک وەزارەتی نەوت بانگهێشتی سەرجەم کۆمپانیا بیانییەکانمان بۆ وەبەرهێنان و کارکردن لە نەوتی وڵاتەکەدا کردووە و دەرگامان کراوەیە و هیچ پاڵنەرێکی سیاسیی کاریگەری لەسەر پڕۆسەکە نابێت.
