بەرەبەیانی ئەمڕۆ، لە گوندی گرێزەی سەر بە قەزای سەیدسادق، لە رووداوێکدا پێنج ئەندامی خێزانێک کۆتایی بە ژیانیان هات.
رووداوی کوشتنەکە لەلایەن کوڕێکی ئەو خێزانەوە ئەنجامدرا و دواتر کۆتایی بە ژیانی خۆشی هێنا بەوەش ژمارەی کوژراوان گەیشتە شەش کەس.
بەپێی زانیارییەکانی تۆڕی میدیایی ئێستا، ئەو کەسەی تاوانی کوشتنەکەی ئەنجامداوە لە دەرەوەی وڵات گەڕاوەتەوە و نەخۆشیی دەروونی هەبووە، باوکی منداڵەکان نەشتەرگەریی دڵی بۆ ئەنجامدراوە و ئەو کوڕە بەسەردان بۆ لای ئەو گەڕاوەتەوە.
هەربەپێی زانیارییەکان، بکوژ دوای ئەوەی دایک و باوک و خوشک و براکانی کوشتووە، کۆتایی بە ژیانی خۆشی هێناوە.
تەرمی هەر شەش کەسەکە لەتەنیشت یەکەوە و لە زێدی خۆیان بەخاکسپێردران.
