ئەندازیارێکى سەرپەرشتیارى شەقامى 100 مەترى لە سلێمانى رایدەگەیەنێت، دواى راگرتنى ماوەى رابردوو بەهۆى کەشوهەواوە دەستیان بە کارکردن لە پرۆژەکەدا کردووەتەوە.
سەرۆکایەتیی شارەوانیی سلێمانى بڵاویکردەوە، کارکردن لە شەقامى 100 مەترى کە ناسراوە بە “شەقامى شاڕێى بابان” بەردەوامە.
تاژان ئەنوەر، ئەندازیارى سەرپەرشتیارى پرۆژەکە رایگەیاند، دەستیان بە کارکردن کردووەتەوە لە هەردوو بڕگەى قیر و کۆنکرێتى پرۆژەکەدا و، لە هەردوو شەقامى سەرەکى و هەردوو شەقامى خزمەتگوزارى لە کارکردن بەردەوامن.
وتیشى، “لەماوەى رابردوودا کارکردن لە پرۆژەکەدا خاو ببووەوە بەهۆى دۆخى کەشوهەواوە، لەئێستاشدا کەشوهەوا تاچەند گونجاو بێت، بەردەوام دەبین لە هەردوو بەشى شەقامەکەدا”.
پرۆژەی شەقامى شاڕێى بابان بریتییە لە دروستكردنی رێگایەكی خێرا بە پانی (100) مەتر كە قۆناغی یەكەمی لە شارۆچكەی تاسڵوجەوە دەستپێدەكات و لە گوندی دەمركان لە شەقامی عەربەت- سلێمانی كۆتایی پێدێت.
