بێستوون فایەق، راوێژكاری سەرۆكی یەكێتیی نیشتمانیی كوردستان لە چاوپێكەوتنێكدا رایگەیاند، بەشی هەرە زۆری كارەكانی وەفدی دانوستانكاریی یەكێتی و پارتی تەواوبوون و كۆبوونەوەیەكەی دوێنێش تەواوكاری كۆبوونەوەكانی یەكێتی و پارتی بوو.
وتیشی، “لەمیانەی كۆبوونەوەكانی وەفدی دانوستانكاری یەكێتی و پارتیدا؛ یەكێتی تێبینی هەبووە بەتایبەت لەسەر رێوشوێنەكانی خزمەتگوزاری و جیاوازیكردن تێیاندا لەناوچەیەكەوە بۆ ناوچەیەكی دیكە و تێبینیش لەسەر دەسەڵاتی پۆستەكان و بەڕێوەبردنیشیان هەبووە”.
ئەوەشیخستەڕوو، “كۆبوونەوەی وەفدی دانوستانكاری یەكێتی و پارتی لەم هەفتەیەدا كۆدەبنەوە و دەكرێت لە كۆبوونەوەیەكی سەرو وەفدی دانوستانكار لێكتێگەیشتن و رێككەوتنی نێوان ئەو دوو هێزە سیاسییە واژوو بكرێت”.
بێستوون فایەق روونیشیكردەوە، “كۆبوونەوەكان بۆ دیاریكردنی دەسەڵات و پۆستە حكومییەكان و پێكهێنانی حكومەت دەستپێدەكەنەوە و یەكێتی پڕۆژەیەكی هەبووە و ئەم پڕۆژەیەش خراوەتە بەردەم خەڵكی و بۆ جێبەجێكردنیشی پێویستی بە كۆمەڵێك پۆست بە دەسەڵاتەوە هەیە لە پێناو ئەوەی یەكێتی بتوانێت خواستی دەنگدەری یەكێتی بێت”.
