بافڵ جەلال تاڵەبانى و مەسرور بارزانى لە پیرمام کۆدەبنەوە.
میدیاى رەسمیی یەکێتى بڵاویکردەوە، پاش نیوەڕۆى ئەمڕۆ بافڵ تاڵەبانی، سەرۆکی یەکێتیی نیشتمانیی کوردستان بۆ کۆبوونەوە لەگەڵ مەسرور بارزانی، جێگری سەرۆکی پارتی دیموکراتی کوردستان گەیشتە پیرمام و کۆبوونەوەى نێوانیان دەستیپێکرد.
دوێنێ نووسینگەی رۆژنامەوانیی سەرۆكی یەكێتی وادە و شوێنى کۆبوونەوەکەى بڵاوکردەوە و دەربارەى ناوەرۆکەکەى رایگەیاند، لەبارەی دۆخی سیاسیی هەرێمی كوردستان، عێراق و ناوچەكە و لێكەوتە سیاسییەكان، خۆئامادەكردن بۆ پێشهاتەكان، پێگەی هەرێمی كوردستان و پێكهێنانی كابینەی نوێی حكومەتی هەرێمی كوردستان دەبێت.
