ئەندامێكی پێشووی ئەنجومەنی كۆمسیاران رایدەگەیەنێت، پارتی زەرەرمەندی یەكەمە لە دابەشكردنی پێنج كورسیی پێكهاتەكان بەسەر پارێزگاكاندا و دەشڵێت، ” پارتی دەیەوێت هەموو كورسیی پێكهاتەكان بۆ خۆی قۆرخبكات”.
سەعید كاكەیی ئەندامێكی پێشووی ئەنجومەنی كۆمسیاران لە دیدارێكی تەلەفزیۆنیدا رایگەیاند، بەپێی ئەو بڕیارەی ئەمڕۆی دەستەی دادوەریی هەڵبژاردن دوو كورسیی كۆتا لە هەولێر یەكێكیان بۆ مەسیحییەكانە و یەكێكیان بۆ توركمان و لە سلێمانی یەكێك بۆ مەسیحییە و یەكێك بۆ توركمان و كورسییەكەی دهۆك بۆ ئەرمەنەكان دەبێت.
وتیشی، “پارتی زەرەرمەندی یەكەمە لە دابەشكردنی 5 كورسیی پێكهاتەكان بەسەر پارێزگاكاندا و دەیەوێت سەرجەم كورسیی پێكهاتەكان بۆ خۆی هاوشێوەی پێشتر قۆرخبكات لەو بڕیارەی ئەمڕۆش زەرەرمەندی یەكەمە و جگەلەوەش بڕیارەكەی دەستەی دادوەری كێشەی كورسیی پێكهاتەكانی چارەسەركرد”.
