بەهۆی رووداوێکی ئاگرکەوتنەوە لە هۆڵێکی ئاهەنگێراندا 50 کەس گیانیان لەدەستدا و 100 کەسی دیکەش برینداربوون.
میدیا جیهانییەکان بڵاویانکردووەتەوە، بەهۆی رووداوێکی ئاگرکەوتنەوە لە شاری کۆچانی وڵاتی مەقدۆنیا 50 کەس گیانیان لەدەستدا و 100 کەسی دیکەش برینداربوون.
ئاماژەیان بەوەشداوە، رووداوەکە بەرەبەیانی ئەمڕۆ روویداوە و بەهۆی یاری ئاگرینەوە بووە، کە بەشداربووانی ئاهەنگێک بەکاریانهێناوە و دواتر بووەتە هۆی گڕگرتنی سەقفی هۆڵی ئاهەنگەکە.
هاوکات، کریستیان میکۆسکی سەرۆکوەزیرانی مەقدۆنیا لەبارەی رووداوەکەوە رایگەیاند، “ئەمڕۆ رۆژێکی سەخت و خەمناکبوو بۆ وڵاتەکەمان و داوا لە لایەنە پەیوەندیدارەکان دەکەم رێکاری پێویست بۆ تەندروستی هاوڵاتیان و بریندارەکان بگرنەبەر”.
