وەزارەتی خوێندنی باڵاو توێژینەوەی زانستی حکومەتی هەرێمی کوردستان، ژمارەیەک دەرفەتی خوێندنی ماستەر و دکتۆرا لە کۆریای باشوور بڵاودەکاتەوە.
وەزارەتی خوێندنی باڵاو توێژینەوەی زانستی حکومەتی هەرێمی کوردستان رایگەیاند، ئاگاداری فەرمانبەران و مامۆستایانی سەر بە وەزارەتی خوێندنی باڵا دەکەین، لە چوارچێوەی لێکتێگەیشتنێکی هاوبەشی هەرێمی کوردستان و کۆریای باشوور ژمارەیەک دەرفەتی خوێندنی ماستەر و دکتۆرا لە وڵاتەکەدا رەخسێنراوە لە چەند بوارێکی جۆراوجۆردا.
ئەوەشی خستەڕوو، دەرفەتەکان لەم بوارانەدا خۆیان دەبیننەوە، بۆ ماستەر (سیاسەتیی گشتی، سیاسەتی پەرپێدان، بەڕێوەبردنیی گشتى، خاوەندارێتی فکری، زانستی داتا بۆ سیاسەتی گشتی و بەرێوەبردن و سیاسەتی گشتی و بەرێوەبردن) بۆ دکتۆرا ( سیاسەتیی گشتی، سیاسەتیی پەرەپێدان و سیاسەتی گشتی و پەرەپێدان).
ئاماژە بەوەشدراوە، دەرفەتەکان لە چوارچێوەى یاداشتێکی لێکتێگەیشتنی نێوان حکومەتی هەرێمی کوردستان و کۆمپانیای نەوتی نیشتیمانی کۆریا (KONC) و کۆمپانیای پەرەپێدانی کۆریای باشور (KDI) رەخسێنراوە.
لەکۆتاییدا ئاماژەیان بەوەشدا، هەر کەسێک دەیەوێت دەرفەتی خوێندنەکە بەدەستبهێنێت پێویستە کلیک لەم لینکە بکات.
