بەڕێوەبەرایەتیی هاتوچۆی سلێمانی رایدەگەیەنێت، لە یەکتربڕی ئارام، ئۆتۆمبێلێک خۆی کێشاوە بە چەند ئۆتۆمبێلێکی تردا و بەهۆیەوە دوو کەس برینداربوون.
هاتوچۆی سلێمانی لە راگەیەندراوێکدا دەڵێت، کەمێک پێش ئیێستا لە شەقامی بازنەیی مەلیک مەحمود لە یەکتربڕی ئارام، ئۆتۆمبێلێکی جۆری تاهۆ، بەهۆی تیژڕەوەی، لەدەستدانی کۆنتڕۆڵ، لادانی لە شەقامی سەرەکی و رۆیشتنی بۆ شەقامی بەرامبەر خۆی کێشاوە بە ستونێکی کارەبادا.
دەشڵێت، جگە لە ستونی کارەباکە، ئەو ئۆتۆمبێلە چەند درەختێکیشی شکاندووە و خۆیشی کێشاوە بە سێ ئۆتۆمبێلی دیکەدا.
بەڕێوەبەرایەتیی هاتوچۆی سلێمانی باسلەوەشدەکات، لە رووداوەکەدا دوو کەس برینداربوون.
