بڕیارە سبەی هاوکاریى هاوپەیمانان بۆ مانگى شوبات (2) تایبەت بە هێزەکانى پێشمەرگە دابەشبکرێت.
بەپێى راگەیەندراوێکى وەزارەتەکە بڕی هاوکارییەکە 230 هەزار دینار دەبێت بۆ هەر پێشمەرگەیەک.
دوێنێ وەزارەتى پێشمەرگە لە راگەیەندراوێکدا بڵاویکردەوە، رۆژى پێنجشەممە 6ى ئازار هاوکاریی دارایی هاوپەیمانان بۆ مانگى شوبات (2) بەسەر ئەفسەر و پێشمەرگەکانی سەر بە دیوانی وەزارەت و یەکەكانى پیادەی وەزارەتی پێشمەرگە دابەشدەکرێت.
ئاشکراشیکرد، لەلایەن هاوپەیمانانەوە دووپاتکرایەوە کە هاوکاریی دارایی بەردەوام دەبێت، لەم مانگەدا سەرووی 46 هەزار پێشمەرگە و ئەفسەری سەر بە وەزارەتی پێشمەرگە لە رێگەی پڕۆژەی هەژماری من هاوکاری هاوپەیمانان وەردەگرن، ئەوانی تریش لە رێگەی سیستەمی بانکیەوە هاوکارییەکان وەردەگرن.
